Jim Retkliff boshchiligidagi INEOS kompaniyasi "Manchester Yunayted"ni sotib olganidan beri klub xarajatlarini qisqartirish ustida ishlamoqda. "Qizil iblislar"ni ishdan bo‘shatish to‘lqini qamrab oldi. Boshliqlar hatto katta tajribaga ega xodimlarni ham ayashmadi, bu esa klub muxlislariga yoqmadi.
"MYU" rahbariyatining navbatdagi qarori haqida CentreDevils xabar bermoqda. Manbaga ko‘ra, klub xodimlariga Yevropa Ligasi finaliga chipta taklif qilmaslikka qaror qilgan. Buning o‘rniga ishchilarga Manchesterdagi o‘yinni tomosha qilish uchun tadbirga borishni taklif qilishdi va ovqatlanish talonini berishdi.
Qayd etilishicha, avvallari "Manchester Yunayted" xodimlariga bunday o‘yinlarga klub hisobidan chiptalar taklif qilingan.
Yevropa Ligasi finalida "Manchester Yunayted" 21 may kuni "Tottenxem"ga qarshi bahs olib boradi.













