"Bavariya" Bundesliganing eng yaxshi himoyachilaridan biri - Jonatan Ta transferi yo‘lida navbatdagi qadamni tashladi. Insayder Florian Plettenbergning yozishicha, myunxenliklar rahbariyati yozgi transferlar oynasida ustuvor maqsad sifatida qaralayotgan futbolchining atrofidagilar bilan muzokaralarni boshlab yuborgan.
Myunxenliklar yetakchisi Vensan Kompani, shuningdek, sport direktorlari Maks Eberl va Kristof Froynd 29 yoshli futbolchini mudofaa markazini mustahkamlash uchun ideal nomzod deb hisoblamoqda.
Shuningdek, Jonatan Taga "Barselona" va Madridning "Real" klublari ham qiziqish bildirmoqda. Ispaniya matbuoti xabariga ko‘ra, kataloniyaliklar futbolchi bilan kelishuvga erishgan, ammo moliyaviy feyr-pley tufayli transferni rasmiylashtira olmayapti. "Real"ga o‘tishi mumkinligi aytilayotgan Xabi Alonso esa shogirdini Madridda ko‘rishni istamoqda.
"Bavariya" raqiblarini ortda qoldira olishiga ishonmoqda. Tomonlar uzoq muddatli kelishuvni muhokama qilishmoqda.
