"Бавария" Бундеслиганинг энг яхши ҳимоячиларидан бири - Жонатан Та трансфери йўлида навбатдаги қадамни ташлади. Инсайдер Флориан Плеттенбергнинг ёзишича, мюнхенликлар раҳбарияти ёзги трансферлар ойнасида устувор мақсад сифатида қаралаётган футболчининг атрофидагилар билан музокараларни бошлаб юборган.

Мюнхенликлар етакчиси Венсан Компани, шунингдек, спорт директорлари Макс Эберль ва Кристоф Фройнд 29 ёшли футболчини мудофаа марказини мустаҳкамлаш учун идеал номзод деб ҳисобламоқда.

Шунингдек, Жонатан Тага "Барселона" ва Мадриднинг "Реал" клублари ҳам қизиқиш билдирмоқда. Испания матбуоти хабарига кўра, каталонияликлар футболчи билан келишувга эришган, аммо молиявий фейр-плей туфайли трансферни расмийлаштира олмаяпти. "Реал"га ўтиши мумкинлиги айтилаётган Хаби Алонсо эса шогирдини Мадридда кўришни истамоқда.

"Бавария" рақибларини ортда қолдира олишига ишонмоқда. Томонлар узоқ муддатли келишувни муҳокама қилишмоқда.