"Barselona" yozda birgina transfer bilan futbol muxlislarini hayratga solishi mumkin. El Nacional nashri tarqatgan xabarga ko‘ra Deku boshchiligidagi "ko‘k-anorranglilar" sport rahbariyati Antoni bilan bog‘liq vaziyatni diqqat bilan kuzatib bormoqda.
Manbaga ko‘ra, Antoni hujumkor futbolchilarda "Barselona" bosh murabbiyi Xans-Diter Flik qadrlaydigan mezonlarga mos keladi. Bundan tashqari, Antoni "Betis"da ispan futbolida yuqori darajada o‘ynay olishini ko‘rsatdi.
Antoni transferi huquqi "Manchester Yunayted"ga tegishli, ammo ingliz klubi 25 yoshli braziliyalik futbolchiga umid qilmayapti. "Betis" esa moliyaviy sabablarga ko‘ra Antonini sotib ololmaydi.
