"Барселона" ёзда биргина трансфер билан футбол мухлисларини ҳайратга солиши мумкин. El Nacional нашри тарқатган хабарга кўра Деку бошчилигидаги "кўк-анорранглилар" спорт раҳбарияти Антони билан боғлиқ вазиятни диққат билан кузатиб бормоқда.
Манбага кўра, Антони ҳужумкор футболчиларда "Барселона" бош мураббийи Ханс-Дитер Флик қадрлайдиган мезонларга мос келади. Бундан ташқари, Антони "Бетис"да испан футболида юқори даражада ўйнай олишини кўрсатди.
Антони трансфери ҳуқуқи "Манчестер Юнайтед"га тегишли, аммо инглиз клуби 25 ёшли бразилиялик футболчига умид қилмаяпти. "Бетис" эса молиявий сабабларга кўра Антонини сотиб ололмайди.
