Braziliya prezidenti Karlo Anchelottining terma jamoaga tayinlanishiga izoh berdi.
Avvalroq Braziliya futbol konfederasiyasi (CBF) italiyalik mutaxassis terma jamoaga bosh murabbiy etib tayinlangani haqida xabar bergandi.
"Agar Anchelottining tarjimai holiga nazar tashlasak, u ajoyib murabbiy ekanligini ko‘ramiz. U yaxshi o‘yinchi, yaxshi murabbiy edi.
Lekin Braziliyaning muammosi, menimcha, biz futbolchilarning past darajadagi tayyorgarligi davrini boshdan kechirmoqdamiz. Bu avvalgidek emas. Agar bu avlodni 1958, 1962, 1970, 1982, 1986, 2002 va 2006 yillardagi avlodlar bilan solishtirsak, hozirgi avlod kuchsizroq. 2002 va 2006 yillardagi hujum chizig‘imizni eslang va undan yiroq ekanligimizni ko‘rasiz", - deydi Luiz Silva Lula.













