"Bayer" himoyachisi Jonatan Ta kelajagi haqida yangi ma’lumotlar paydo bo‘ldi.

Jurnalist Florian Plettenbergga ma’lum bo‘lishicha, "Bavariya" ikki hafta oldin Ta "Barselona"ga o‘tishi dargumonligini bilgach, unga yana qiziqish bildirgan.

Manbaga ko‘ra, shartnomaning barcha moliyaviy shartlari allaqachon Ta vakillari bilan kelishib olingan va hozirda "Bavariya" shunchaki himoyachidan yakuniy "ha"ni kutmoqda. Ta’kidlanishicha, myunxenliklar masalaning ijobiy hal etilishiga ishonishmoqda.

Joriy mavsumda 29 yoshli Ta barcha musobaqalarda 48 ta o‘yinda maydonga tushib, 4 ta gol urgan va 1 ta golga hammualliflik qilgan.