"Байер" ҳимоячиси Жонатан Та келажаги ҳақида янги маълумотлар пайдо бўлди.
Журналист Флориан Плеттенбергга маълум бўлишича, "Бавария" икки ҳафта олдин Та "Барселона"га ўтиши даргумонлигини билгач, унга яна қизиқиш билдирган.
Манбага кўра, шартноманинг барча молиявий шартлари аллақачон Та вакиллари билан келишиб олинган ва ҳозирда "Бавария" шунчаки ҳимоячидан якуний "ҳа"ни кутмоқда. Таъкидланишича, мюнхенликлар масаланинг ижобий ҳал этилишига ишонишмоқда.
Жорий мавсумда 29 ёшли Та барча мусобақаларда 48 та ўйинда майдонга тушиб, 4 та гол урган ва 1 та голга ҳаммуаллифлик қилган.
