"Manchester Yunayted"ning sobiq futbolchisi Patris Evra yarim himoyachi Brunu Fernandeshning jamoadan ketishi mumkinligi haqida gapirdi.
"Men Saudiya Arabistoni uning uchun katta pul taklif qilganini eshitdim. Menimcha, uni qo‘yib yuborish xato bo‘ladi. Odamlar uni 30 yoshda deb aytishadi, lekin yo‘q, u jamoadagi eng muhim futbolchi. Agar Brunu biz bilan bo‘lmaganida, Yevropa finaliga chiqa olmagan bo‘lardik", - deya Evraning so‘zlarini keltiradi Sky Sports.
Brunu Fernandesh "qizil iblislar" safida 2020 yildan buyon o‘ynab kelmoqda. Joriy mavsumda u barcha turnirlarda 54 ta o‘yin o‘tkazib, 19 ta gol urdi va 19 ta golli uzatmani amalga oshirdi.
