"Манчестер Юнайтед"нинг собиқ футболчиси Патрис Эвра ярим ҳимоячи Бруну Фернандешнинг жамоадан кетиши мумкинлиги ҳақида гапирди.

"Мен Саудия Арабистони унинг учун катта пул таклиф қилганини эшитдим. Менимча, уни қўйиб юбориш хато бўлади. Одамлар уни 30 ёшда деб айтишади, лекин йўқ, у жамоадаги энг муҳим футболчи. Агар Бруну биз билан бўлмаганида, Европа финалига чиқа олмаган бўлардик", - дея Эвранинг сўзларини келтиради Sky Sports.

Бруну Фернандеш "қизил иблислар" сафида 2020 йилдан буён ўйнаб келмоқда. Жорий мавсумда у барча турнирларда 54 та ўйин ўтказиб, 19 та гол урди ва 19 та голли узатмани амалга оширди.