"Arsenal" yozda chap qanot hujum chizig‘iga o‘yinchi sotib olishni rejalashtirmoqda. Londonliklar "Real Madrid" futbolchisi Rodrigoga qiziqish bildirmoqda, ammo "kanonirlar"ning asosiy e’tibori "Atletik" futbolchisi Niko Uilyamsga qaratilgan. Bu haqda Football Transfers portali sahifalarida xabar berildi.
Ma’lumki, Niko Uilyamsning "Atletik" bilan amaldagi shartnomasida sotib olish opsiyasi 60 million yevroni tashkil etadi. 22 yoshli futbolchi faoliyatini Angliya Premyer-ligasida davom ettirishni afzal ko‘rayotgani haqida xabarlar tarqalgan edi.













