"Milan" kelasi mavsumda yevrokuboklarga chiqa olmasligi mumkin.
Serjiu Konseysau murabbiyligidagi jamoa Italiya kubogi finalida "Bolonya"ga yutqazib qo‘ydi (0:1).
A Seriyada "rossonerilar" chempionat tugashiga ikki tur qolganida 8-o‘rinni egallab turibdi. Ularni yevrokuboklar zonasi bilan 3 ochko ajratib turadi. Shu tariqa, klub kelasi mavsumda Yevropa Ligasiga ham, Konferensiyalar Ligasiga ham chiqa olmasligi mumkin.
Milanliklar 18 va 15 may kunlari "Roma" va "Monsa"ga qarshi maydonga tushadi. Aynan "Roma" ayni damda 6-o‘rinni egallab turibdi.
7-o‘rinda borayotgan "Bolonya" Italiya Kubogi g‘olibi sifatida Yevropa Ligasida o‘ynaydi.
