Madridning "Real" klubi bosh murabbiyi Karlo Anchelotti La Liga 36-turidan o‘rin olgan "Malyorka"ga (2:1) qarshi o‘yindan so‘ng o‘z taassurotlari bilan o‘rtoqlashdi.
"Juda mamnunman, yaxshi o‘yin. Futbolchilar juda katta kuch sarflashdi. O‘ylaymanki, jamoa bir o‘yinda bugungidek 40 ta zarba yo‘llaganini hali hech qachon ko‘rmaganman. Agar doim shunday o‘ynaganimizda, mavsum biz uchun yaxshiroq bo‘lardi," - deya Anchelottining so‘zlarini keltiradi Madrid Xtra.













