"Manchester Yunayted" bosh murabbiyi Ruben Amorim jamoa uchun Yevropa Ligasida g‘alaba qozonish muammo bo‘lishi mumkinligini aytdi. Portugaliyalikning fikricha, uning jamoasi ko‘proq vaqt mashq qilishi kerak, yevrokuboklar sharoitida esa ko‘pincha haftasiga ikki marta o‘ynashga to‘g‘ri keladi.
"Chempionlar ligasiga chiqa olmaslik jamoaga yordam beradimi? Menimcha, o‘yindan-o‘yinga o‘tishni o‘ylamasdan, jamoa bilan bazada ko‘proq vaqt o‘tkazishimiz kerak. Ammo finalda g‘alaba qozona olmasak - bu juda yomon bo‘ladi. Buni bahona qilmoqchi emasman," - dedi Amorim jurnalistlarga.
Agar "Manchester Yunayted" Yevropa Ligasi finalida "Tottenxem"ga yutqazsa, kelasi mavsumda Ruben Amorim jamoasi yevrokuboklarda o‘ynamaydi.
