Londonning "Arsenal" klubi Tomas Partining o‘rnini bosa oladigan futbolchi qidirmoqda.

Ganalikning amaldagi shartnomasi mavsum yakunlangach o‘z nihoyasiga yetadi. "Kanonirlar" rahbariyati hamon xavbek bilan shartnomani uzaytirishni kutmoqda, shu bilan birga, futbolchi bilan xayrlashgan taqdirda variantlarni ko‘rib chiqmoqda. Jurnalist Din Jonsning ma’lum qilishicha, klub Premyer-ligada o‘ynash tajribasiga ega yarim himoyachini o‘z safiga qo‘shib olishni ma’qul ko‘radi. Jamoa safini "Real Sosyedad"dan Martin Subimendi ham to‘ldirishi inobatga olinsa, "Arsenal" tarkibda moslashuvga muhtoj futbolchilar ko‘p bo‘lishini istamaydi.

Tomas Parti 2020 yildan buyon londonliklar sharafini himoya qilib kelmoqda. Iyun oyida himoyachi o‘zining 32 yoshini nishonlaydi.