Лондоннинг "Арсенал" клуби Томас Партининг ўрнини боса оладиган футболчи қидирмоқда.
Ганаликнинг амалдаги шартномаси мавсум якунлангач ўз ниҳоясига етади. "Канонирлар" раҳбарияти ҳамон хавбек билан шартномани узайтиришни кутмоқда, шу билан бирга, футболчи билан хайрлашган тақдирда вариантларни кўриб чиқмоқда. Журналист Дин Жонснинг маълум қилишича, клуб Премьер-лигада ўйнаш тажрибасига эга ярим ҳимоячини ўз сафига қўшиб олишни маъқул кўради. Жамоа сафини "Реал Сосьедад"дан Мартин Субименди ҳам тўлдириши инобатга олинса, "Арсенал" таркибда мослашувга муҳтож футболчилар кўп бўлишини истамайди.
Томас Парти 2020 йилдан буён лондонликлар шарафини ҳимоя қилиб келмоқда. Июнь ойида ҳимоячи ўзининг 32 ёшини нишонлайди.
