Madridning "Real" klubi bosh murabbiyi Karlo Anchelotti jamoaning joriy mavsumda himoyada muvaffaqiyatsiz o‘ynagani sababini aytdi.
Chorshanba kuni "qaymoqranglilar" yana darvozani daxlsiz saqlay olmadi, ammo baribir "Malyorka" ustidan 2:1 hisobida g‘alaba qozondi. Markaziy himoyachilar juftligini yosh Raul Asensio va Xakobo Ramon tashkil etdi - ikkinchisi 95-daqiqada g‘alaba goliga mualliflik qildi.
"Ko‘p gol o‘tkazib yubordik, ammo buning asosiy sababi - jarohatlar. Bizga doim 4-5 himoyachi yetishmasdi," - dedi Anchelotti matbuot anjumanida.
