«Manchester Siti» bosh murabbiyi Xosep Gvardiola jamoasining yaqindagi o‘yinlari taqvimi haqida fikr bildirdi. 17 may, shanba kuni «shaharliklar» Angliya kubogi finalida «Kristal Pelas»ga qarshi maydonga tushadi. Shundan uch kun o‘tib, 20 may, seshanba kuni APLning 37-turi doirasida «Siti» o‘z uyida «Bornmut»ni qabul qiladi.

«Seshanba kechqurun biz Premyer-liganing kuchli jamoalaridan biri — Yevropa konferensiyalar ligasiga yo‘llanma uchun kurashayotgan «Bornmut»ga qarshi o‘ynaymiz. Biz bu bilan murosaga kelishimizga to‘g‘ri keladi.

«Aston Villa» — «Tottenxem» o‘yini esa 16 may, juma kuniga belgilandi. Aslida bizning o‘yinimizni bir kun ertaroq belgilashlari kerak edi. Biz seshanba yoki chorshanba kuni o‘ynasak ham, katta farq qilmaydi. Qanday bo‘lmasin, qarorni ular qabul qilishadi, va seshanba kuni biz shu yerda o‘ynaymiz», — deb Gvardiolaning so‘zlarini keltiradi BBC.

Hozirgi vaqtda «Manchester Siti» APLda 36 ta o‘yinda 65 ochko to‘plagan holda turnir jadvalida 6-o‘rinni egallab turibdi. Jamoa Chempionlar ligasiga yo‘llanma uchun kurashni davom ettirmoqda.