Argentinalik darvozabon Emiliano Martines joriy mavsum yakunlangach, Birmengemning "Aston Villa" klubini tark etishi mumkin. Bu haqda insayder Gaston Edu xabar bermoqda.
Manbaga ko‘ra, 32 yoshli darvozabon yozgi transfer oynasida klubini o‘zgartiradi. Emilianoga Yevropa klublari, shuningdek, Saudiya Arabistoni chempionatidan takliflar bor. Darvozabonning o‘zi hozircha Yaqin Sharqqa ketishni rejalashtirmayapti. U 2026 yilgi jahon chempionatigacha yaxshi formada bo‘lish uchun eng yuqori darajada o‘ynamoqchi.
Martines joriy mavsum "Aston Villa" safida 52 ta o‘yin o‘tkazib, 61 ta to‘p o‘tkazib yubordi. 15 uchrashuvda darvozabon o‘z darvozasini daxlsiz saqlab qoldi.
