Аргентиналик дарвозабон Эмилиано Мартинес жорий мавсум якунлангач, Бирменгемнинг "Астон Вилла" клубини тарк этиши мумкин. Бу ҳақда инсайдер Gaston Edu хабар бермоқда.
Манбага кўра, 32 ёшли дарвозабон ёзги трансфер ойнасида клубини ўзгартиради. Эмилианога Европа клублари, шунингдек, Саудия Арабистони чемпионатидан таклифлар бор. Дарвозабоннинг ўзи ҳозирча Яқин Шарққа кетишни режалаштирмаяпти. У 2026 йилги жаҳон чемпионатигача яхши формада бўлиш учун энг юқори даражада ўйнамоқчи.
Мартинес жорий мавсум "Астон Вилла" сафида 52 та ўйин ўтказиб, 61 та тўп ўтказиб юборди. 15 учрашувда дарвозабон ўз дарвозасини дахлсиз сақлаб қолди.
