Kataloniyaning "Barselona" klubi forvardi Ferran Torres Ispaniyadan tumanli Albionga ko‘chib o‘tishi mumkin. Uning transferiga Birmingemning "Aston Villa" klubi qiziqish bildirmoqda, deb xabar bermoqda Birmingham Mail.
Ingliz klubi 25 yoshli futbolchini yozgi transferlar davrida o‘z safiga qo‘shib olishni rejalashtirmoqda. "Ko‘k-anorranglilar"ga kelsak, klub rahbariyati 50 million yevro evaziga Ferran bilan xayrlashishga tayyor. Torresning "Barselona" bilan shartnomasi 2027 yilning yarmigacha mo‘ljallangan.
Hujumchi 2024/2025 yilgi mavsumda 45 ta o‘yin o‘tkazib, 19 ta gol urgan va yettita golli uzatmani amalga oshirgan.
