Каталониянинг "Барселона" клуби форварди Ферран Торрес Испаниядан туманли Альбионга кўчиб ўтиши мумкин. Унинг трансферига Бирмингемнинг "Астон Вилла" клуби қизиқиш билдирмоқда, деб хабар бермоқда Birmingham Mail.
Инглиз клуби 25 ёшли футболчини ёзги трансферлар даврида ўз сафига қўшиб олишни режалаштирмоқда. "Кўк-анорранглилар"га келсак, клуб раҳбарияти 50 миллион евро эвазига Ферран билан хайрлашишга тайёр. Торреснинг "Барселона" билан шартномаси 2027 йилнинг ярмигача мўлжалланган.
Ҳужумчи 2024/2025 йилги мавсумда 45 та ўйин ўтказиб, 19 та гол урган ва еттита голли узатмани амалга оширган.
