Trent Aleksandr-Arnold yaqinda "Liverpul"ni tark etishga qaror qilganini e’lon qildi. Tez orada o‘ng qanot himoyachisi erkin agent maqomida "Real" futbolchisiga aylanadi.

Marca nashrining xabar berishicha, "Liverpul" endilikda Ibraima Konate bilan ham xuddi shunday vaziyatni ko‘rmoqda. Mersisaydliklar fransuz bilan shartnomani uzaytirishga bir necha bor urinib ko‘rgan, biroq u rad javobini bergan. Shu bilan birga, "qizillar" 25 yoshli Konate "Real"ga qiziqish bildirayotganini bilishadi. Madridliklar bir yildan keyin futbolchini tekinga qo‘lga kiritishi mumkin, xuddi Trent yozda tekinga qo‘lga kiritilganidek.

Manbaga ko‘ra, vaziyat "Liverpul"ni g‘azablantirmoqda. Mersisaydliklarni endi pul emas, obro‘ qiziqtiradi - bir yildan keyin "Real" yana ingliz grandi futbolchisini erkin agent sifatida qo‘lga kiritishi mumkin.