Трент Александр-Арнольд яқинда "Ливерпуль"ни тарк этишга қарор қилганини эълон қилди. Тез орада ўнг қанот ҳимоячиси эркин агент мақомида "Реал" футболчисига айланади.
Marca нашрининг хабар беришича, "Ливерпуль" эндиликда Ибраима Конате билан ҳам худди шундай вазиятни кўрмоқда. Мерсисайдликлар француз билан шартномани узайтиришга бир неча бор уриниб кўрган, бироқ у рад жавобини берган. Шу билан бирга, "қизиллар" 25 ёшли Конате "Реал"га қизиқиш билдираётганини билишади. Мадридликлар бир йилдан кейин футболчини текинга қўлга киритиши мумкин, худди Трент ёзда текинга қўлга киритилганидек.
Манбага кўра, вазият "Ливерпуль"ни ғазаблантирмоқда. Мерсисайдликларни энди пул эмас, обрў қизиқтиради - бир йилдан кейин "Реал" яна инглиз гранди футболчисини эркин агент сифатида қўлга киритиши мумкин.
