Andrey Luninning Madridning "Real" klubidagi kelajagi yana so‘roq ostida qoldi.
Joriy mavsumda bir nechta yorqin o‘yinlar o‘tkazganiga qaramay, ukrainalik posbon hamon asosiy tarkibdan barqaror joy ololmaydi - Turkiyaning Takvim nashri xabariga ko‘ra, u yozdayoq klubni tark etishi mumkin.
Luninga asosiy da’vogarlar sifatida Istanbul grandlari - "Galatasaroy" va "Fenerbahche" tilga olinmoqda. Manbaga ko‘ra, "sariq kanareykalar" yanada qat’iyroq harakat qilishga tayyor va allaqachon ukrainalikning vakili - taniqli agent Jorje Mendesh bilan aloqaga kirishgan. Muzokaralar tez orada boshlanishi kutilmoqda.
Joriy mavsumda Lunin 12 ta o‘yinda maydonga tushib, 19 ta gol o‘tkazib yubordi va 4 ta "quruq" uchrashuvni o‘tkazdi.
