"Liverpul", "Chelsi" va "Atalanta" klublarining sobiq vakili Li Kongerton yangi sport direktori qidirayotgan "Milan"dan qiziqish uyg‘otdi, deb xabar beradi Football Italia.

So‘nggi paytlarda "rossonerilar" ko‘plab nomzodlarga, jumladan, Igli Tare, "Bolonya"dan Jovanni Sartori, "Napoli"dan Jovanni Manna va "Atalanta"dan Toni D'Amikolar qiziqish bildirmoqda. Huquqiy qiyinchiliklar tufayli milanliklar Fabio Paratichi bilan kelishuvga erisha olmadi.

Kongerton o‘tgan yilni Saudiya Arabistonining "Al-Ahli" klubida sport direktori sifatida o‘tkazdi. Hozirda u "Milan"ga o‘tish uchun asosiy nomzod hisoblanadi. Mavsum yakunlanganidan so‘ng qisqa vaqt ichida qaror qabul qilinishi kutilmoqda.