"Ливерпуль", "Челси" ва "Аталанта" клубларининг собиқ вакили Ли Конгертон янги спорт директори қидираётган "Милан"дан қизиқиш уйғотди, деб хабар беради Football Italia.
Сўнгги пайтларда "россонерилар" кўплаб номзодларга, жумладан, Игли Таре, "Болонья"дан Жованни Сартори, "Наполи"дан Жованни Манна ва "Аталанта"дан Тони Д'Амиколар қизиқиш билдирмоқда. Ҳуқуқий қийинчиликлар туфайли миланликлар Фабио Паратичи билан келишувга эриша олмади.
Конгертон ўтган йилни Саудия Арабистонининг "Ал-Аҳли" клубида спорт директори сифатида ўтказди. Ҳозирда у "Милан"га ўтиш учун асосий номзод ҳисобланади. Мавсум якунланганидан сўнг қисқа вақт ичида қарор қабул қилиниши кутилмоқда.
