Madridning "Atletiko" klubi bosh murabbiyi Diyego Simeone jamoa chempionlik uchun kurashdan qaysi pallada chiqib ketganini aytib o‘tdi.
Yakshanba kuni "matraschilar" "Betis"ni mag‘lub etishdi (4:1) va finishga bir tur qolganida uchinchi o‘rinni egallashlari aniq bo‘ldi.
"Biz "Xetafe" bilan o‘yinda yo‘ldan adashdik - o‘sha paytdan boshlab avvalgi darajamizni saqlab qola olmadik. Oxirgi to‘qqizta o‘yinda to‘rt marta g‘alaba qozondik, agar birinchi bo‘lishni istasangiz, bu yetarli emas. Biz xatolarimizni bilamiz, lekin muammolarni ko‘rish boshqa, ularni hal qilish boshqa. Bu oson emas," - dedi Simeone o‘yindan keyingi intervyusida.
