Bernardu Silva "Manchester Siti"ning Chempionlar ligasiga chiqishi muhimligini ta’kidladi.

Premyer-liga mavsumi tugashiga ikki o‘yin qolganida “shaharliklar” 65 ochko jamg‘arib, Chempionlar Ligasi zonasidan bir ochko ortda qolgan holda turnir jadvalining 6-o‘rinida bormoqda. Jamoa so‘nggi turlarda "Bornmut" va "Fulxem" bilan o‘ynaydi.

"Bizni ikkita muhim o‘yin kutib turibdi, chunki Chempionlar ligasiga yo‘l olamizmi yoki yo‘qmi, klubning moliyaviy ahvoli uchun ham, o‘zimiz uchun ham katta ahamiyatga ega bo‘lishi mumkin. Bilaman, bizda har yili g‘alaba qozonishga odatlangan futbolchilar bor va odamlar buni jamoadan talab qilishadi. Futbol qiyin sport turi, g‘alaba qozonish ham qiyin bo‘lishi mumkin, ayniqsa Premyer-ligada.

Agar Premyer-liga jamoalariga nazar tashlasangiz, ularning har birida aql bovar qilmaydigan darajada ikki-uch nafar futbolchi bor. Yana chempion bo‘lish uchun bizga juda, juda yuqori toifa va saviya kerak. Va biz bunga yana erishmoqchimiz", - dedi "Manchester Siti" yarim himoyachisi.