Angliya chempionatida 37-tur o‘yinlari bo‘lib o‘tmoqda, "Brayton" "Liverpul"ni 3:2 hisobida mag‘lub etdi, bundan "chaykalar" ustozi Fabian Xyurseler juda mamnun. U jamoaning o‘yinidan, xususan, mentalitetidan faxrlanishini aytdi.
"Ushbu mavsum davomida ko‘plab past-balandliklar bo‘ldi, qiyin damlarda yonib ketmaslik, oyoqda turish muhim. Yana bir o‘yin qoldi, ammo jamoa bilan chindan faxrlanaman. Jamoa sifatida birgalikda o‘ynaganimizdagina muvaffaqiyatga erishishimiz mumkin, "Liverpul" dastlabki yigirma daqiqada juda kuchli edi, ammo biz bardosh bera oldik," - deya Xyurslerning so‘zlarini keltiradi BBC Sport.
