Klublar o‘rtasidagi jahon chempionati arafasida “Real”ni boshqaradigan ispaniyalik mutaxassis Xabi Alonso yangi jamoasi uchun transfer kampaniyasini rejalashtira boshladi, deb xabar beradi Marca.
Yangi murabbiy birinchi navbatda yarim himoyachi Luka Modrichni tarkibda saqlab qolmoqchi. 39 yoshli xorvatiyalikning shartnomasi 2025 yilning iyunida yakuniga yetadi va “qaymoqranglilar” rahbariyati uning yoshi ulg‘aygani uchun shartnomani uzaytirmaslikka qaror qilgan.
Shu sababdan Alonso "qirollik klubi"dan qarorini o‘zgartirishni va Modrichga yangi bir yillik shartnoma taklif qilishni so‘radi.
Futbolchining o‘zi 2026 yilda bo‘lib o‘tadigan jahon chempionatidan so‘ng faoliyatini "Santyago Bernabeu"da yakunlashni orzu qilmoqda.
Madridda qolish uchun Luka maoshini sezilarli darajada kamaytirishga tayyor. Alonso rahbariyat uning fikriga quloq solib, mashhur faxriy bilan hamkorlikni kelasi yilning iyuniga qadar davom ettirishga rozi bo‘lishiga umid qilmoqda.













