"Liverpul" hujumchisi Muhammad Saloh Angliya Premyer-ligasida 300 dan ortiq o‘yin o‘tkazgan to‘rtinchi afrikalik futbolchiga aylandi.

Bu muvaffaqiyatga Salohdan tashqari Jordan Ayyu (303 – “Aston Villa”, “Suonsi”, “Kristal Pelas”, “Lester”), Uilfrid Zaxa (305 – “Kristal Pelas”, Kardiff, “Manchester Yunayted”) va Kolo Ture (353 – “Arsenal”, “Manchester Siti”, “Liverpul”) erishgan.

Saloh 2017 yilning yozidan buyon “Liverpul”da to‘p tepmoqda. U avvalroq “Chelsi”da 2013/14 va 2014/15 yilgi mavsumlarda ham o‘ynagan.