Ispaniyaning "Real Sosyedad" klubi 22 yoshli hujumkor yarim himoyachi Jovanni Reynaning transferi bo‘yicha Dortmundning "Borussiya" klubi bilan muzokaralarni boshladi. Bu haqda jurnalist Ekrem Konur xabar bermoqda.

Manbaga ko‘ra, 22 yoshli amerikalik "Borussiya"ni tark etishga tayyor. Ta’kidlanishicha, futbolchiga Italiya A Seriyasi klublari ham qiziqish bildirmoqda.

Joriy mavsumda Reyna barcha musobaqalarda 25 ta o‘yinda maydonga tushib, 2 ta gol urdi va 1 ta golli uzatmaga mualliflik qildi.

Futbolchining "Borussiya" bilan amaldagi mehnat shartnomasi 2026 yilning yarmigacha mo‘ljallangan. Transfermarkt portali xavbekning narxini o‘n million yevroga baholamoqda.