Испаниянинг "Реал Сосьедад" клуби 22 ёшли ҳужумкор ярим ҳимоячи Жованни Рейнанинг трансфери бўйича Дортмунднинг "Боруссия" клуби билан музокараларни бошлади. Бу ҳақда журналист Экрем Конур хабар бермоқда.
Манбага кўра, 22 ёшли америкалик "Боруссия"ни тарк этишга тайёр. Таъкидланишича, футболчига Италия А Серияси клублари ҳам қизиқиш билдирмоқда.
Жорий мавсумда Рейна барча мусобақаларда 25 та ўйинда майдонга тушиб, 2 та гол урди ва 1 та голли узатмага муаллифлик қилди.
Футболчининг "Боруссия" билан амалдаги меҳнат шартномаси 2026 йилнинг ярмигача мўлжалланган. Transfermarkt портали хавбекнинг нархини ўн миллион еврога баҳоламоқда.
