"Manchester Siti" hujumchisi Erling Xoland jamoasi bilan xayrlashuv uy uchrashuvini o‘tkazgan jamoadoshi Kevin de Bryuynega murojaat qildi.
33 yoshli belgiyalik seshanba kuni "Bornmut"ga qarshi kechgan va "shaharliklar"ning 3:1 hisobidagi g‘alabasi bilan yakunlangan bahsdan so‘ng "Etixad" muxlislari bilan xayrlashdi.
"Butun "Manchester Siti" nomidan aytaman, bu yerda sening o‘yiningni ko‘rish juda yoqimli bo‘ldi. Men klubga kelmasimdan oldin ham seni ko‘p kuzatganman va sen bilan o‘ynash imkoniyatini sabrsizlik bilan kutganman - bunga erishdim! Bu ajoyib bo‘ldi, juda xursandman. Senga eng yaxshi tilaklarni tilayman. Biz seni yaxshi ko‘ramiz," - deya Xolandning murojaatini keltiradi City Report.













