"Манчестер Сити" ҳужумчиси Эрлинг Холанд жамоаси билан хайрлашув уй учрашувини ўтказган жамоадоши Кевин де Брюйнега мурожаат қилди.
33 ёшли бельгиялик сешанба куни "Борнмут"га қарши кечган ва "шаҳарликлар"нинг 3:1 ҳисобидаги ғалабаси билан якунланган баҳсдан сўнг "Этихад" мухлислари билан хайрлашди.
"Бутун "Манчестер Сити" номидан айтаман, бу ерда сенинг ўйинингни кўриш жуда ёқимли бўлди. Мен клубга келмасимдан олдин ҳам сени кўп кузатганман ва сен билан ўйнаш имкониятини сабрсизлик билан кутганман - бунга эришдим! Бу ажойиб бўлди, жуда хурсандман. Сенга энг яхши тилакларни тилайман. Биз сени яхши кўрамиз," - дея Холанднинг мурожаатини келтиради City Report.
