"Bavariya" vingeri Leroy Sane mavsum yakunlangach, "Manchester Siti"ni tark etadigan Kevin de Bryuynega murojaat qildi.
"Shaharliklar" yulduz belgiyalik bilan shartnomani uzaytirmaslikka qaror qildi - u klubdagi o‘n yillik faoliyatidan so‘ng erkin agent sifatida ketadi. Seshanba kuni xavbek "Siti" safidagi so‘nggi uy o‘yinini "Etixad"da o‘tkazdi.
"Sening "Manchester Siti" oldidagi xizmatlaring menda cheksiz hurmat uyg‘otadi. Sen ajoyib o‘yinchisan, lekin eng muhimi - sen ajoyib insonsan, sening ajoyib oilang bor. Sen bilan maydonda bo‘lish men uchun sharaf, senga va oilangga kelajakda eng yaxshi tilaklarimni bildiraman. O‘zinni ehtiyot qil, ko‘rishguncha!" - deya germaniyalik futbolchining murojaatidan iqtibos keltiradi City Report.
