"Бавария" вингери Лерой Сане мавсум якунлангач, "Манчестер Сити"ни тарк этадиган Кевин де Брюйнега мурожаат қилди.

"Шаҳарликлар" юлдуз бельгиялик билан шартномани узайтирмасликка қарор қилди - у клубдаги ўн йиллик фаолиятидан сўнг эркин агент сифатида кетади. Сешанба куни хавбек "Сити" сафидаги сўнгги уй ўйинини "Этихад"да ўтказди.

"Сенинг "Манчестер Сити" олдидаги хизматларинг менда чексиз ҳурмат уйғотади. Сен ажойиб ўйинчисан, лекин энг муҳими - сен ажойиб инсонсан, сенинг ажойиб оиланг бор. Сен билан майдонда бўлиш мен учун шараф, сенга ва оилангга келажакда энг яхши тилакларимни билдираман. Ўзинни эҳтиёт қил, кўришгунча!" - дея германиялик футболчининг мурожаатидан иқтибос келтиради City Report.