33 yoshli ispaniyalik himoyachi Lukas Vaskes klub tizimidagi 18 yildan so‘ng "Real"ni tark etadi. Bu haqda uning ijtimoiy tarmoqlari orqali taniqli insayder Fabrisio Romano xabar berdi.
Jurnalist Vaskes bo‘lajak klublar o‘rtasidagi jahon chempionatida ishtirok etishi, shundan so‘ng Madrid grandini tark etishi haqida xabar berdi. Uning "qaymoqranglilar" bilan mehnat shartnomasi shu yilning iyun oyi oxirida yakuniga yetadi.
"Qirollik" klubi safida Lukas 399 ta o‘yin o‘tkazib, 38 ta gol urgan va 73 ta golli uzatmani amalga oshirgan.
15 iyundan 13 iyulga qadar AQSHda klublar o‘rtasidagi jahon chempionati bo‘lib o‘tadi.
