Krishtianu Ronaldu yana 10 yil futbol o‘ynashini aytdi.
Bu haqda futbolchi fitnes-brasletlar va salomatlikni nazorat qiluvchi qurilmalarga ixtisoslashgan Whoop texnologiya kompaniyasi podkastida aytdi.
Ronalduning fiziologik ma’lumotlari o‘lchandi: yurak urishi, yurak urish tezligining o‘zgaruvchanligi va boshqalar, uning ish yuki, tiklanishi va uyqusi haqida ma’lumot berildi.
"Hammasi juda yaxshi ekaniga ishonolmayman... U mening biologik yoshimni 28,9 deb ko‘rsatmoqda. Bu yana 10 yil futbol o‘ynayman degani", - deya hazillashdi Krishtianu Ronaldu.
Kompaniyaning ta’kidlashicha, ushbu fitnes bilaguzuk 140 dan ortiq parametrlarni kuzatish imkonini beruvchi professional darajadagi texnologiyadir.
