Криштиану Роналду яна 10 йил футбол ўйнашини айтди.
Бу ҳақда футболчи фитнес-браслетлар ва саломатликни назорат қилувчи қурилмаларга ихтисослашган Whoop технология компанияси подкастида айтди.
Роналдунинг физиологик маълумотлари ўлчанди: юрак уриши, юрак уриш тезлигининг ўзгарувчанлиги ва бошқалар, унинг иш юки, тикланиши ва уйқуси ҳақида маълумот берилди.
"Ҳаммаси жуда яхши эканига ишонолмайман... У менинг биологик ёшимни 28,9 деб кўрсатмоқда. Бу яна 10 йил футбол ўйнайман дегани", - дея ҳазиллашди Криштиану Роналду.
Компаниянинг таъкидлашича, ушбу фитнес билагузук 140 дан ортиқ параметрларни кузатиш имконини берувчи профессионал даражадаги технологиядир.
