Jurnalist Rudi Galettining so‘zlariga ko‘ra, Krishtianu Ronalduning "An-Nasr" bilan shartnomasini uzaytirishi shubha ostida qolmoqda. Portugaliyalik yulduz bir necha hafta oldin deyarli imzolangandek tuyulgan og‘zaki kelishuvni kechiktirdi.

Vaziyatga yaqin manbalarning aytishicha, Ronaldu va "An-Nasr" o‘zaro hamkorlikni 2026 yilgacha uzaytirish bo‘yicha og‘zaki kelishuvga erishgan. Kelishuv mavsumiga 200 million yevro miqdoridagi fantastik maoshni o‘z ichiga olgan bo‘lardi va forvardning keyingi jahon chempionatida o‘ynash rejalariga to‘liq mos tushadi. Biroq “An-Nasr” Osiyo chempionlar ligasidan Yaponiyaning “Kavasaki Frontale” klubiga alamli chiqib ketganidan keyin hammasi o‘zgardi.

Mag‘lubiyat klubni hayratda qoldirdi va uning yaqin kelajagi haqida yangi shubhalarni keltirib chiqardi. Shundan so‘ng Ronaldu shartnoma imzolashni keyinga surishni so‘radi.

Joriy mavsumda Ronaldu “An-Nasr” safida barcha musobaqalarda 39 ta o‘yinda maydonga tushib, 33 ta gol va 4 ta golli uzatmaga mualliflik qilgan.