Usmon Dembele “Oltin to‘p”ni qo‘lga kiritish imkoniyati haqidagi savolga javob berishdan qochdi.
28 yoshli fransuz 22 sentyabr kuni topshiriladigan sovrinni qo‘lga kiritishda asosiy favoritlardan biri hisoblanadi.
"Meni tez-tez bu borada masxara qilishadi. "PSJ" o‘yinchisi bo‘lganingizda, shaxsiy sovrinlardan ko‘ra muhimroq narsalar haqida o‘ylash kerak, ayniqsa, klub hech qachon bu sovrinni (Chempionlar ligasi) qo‘lga kiritmaganini hisobga olsak.
O‘zim haqimda o‘ylashdan oldin, avvalo jamoa va klub haqida o‘ylamoqchiman", - dedi "PSJ" vingeri Dembele.
