Roy Kin “Tottenxem”ning Yevropa ligasidagi g‘alabasi haqida gapirdi.

Ange Postekoglou shogirdlari turnirning final uchrashuvida “Manchester Yunayted”ni 1:0 hisobida mag‘lub etib, kubokni ko‘tarishdi.

"Bu mavsumda "shporlar" "Arsenal"dan ko‘ra ko‘proq sovrin yutishdi. Boshqa klublar bilan solishtirganda, ular hammadan ko‘ra ko‘proq tanqidga uchradi.

Ular, albatta, o‘z uslublarini o‘ynashmadi. Ular juda yaxshi himoyalanishdi, ularning hujumkor o‘yinlari eng zo‘r emas edi, lekin bu unchalik muhim emas. Oxirgi yillardagi tanqidlarga kelsak, ularda ajoyib stadion bor, lekin asosiysi sovrinlar yutish ekanligini aytdik.

Futbolchilar mavsumoldi tayyorgarlik uchun qaytib kelganlarida, ular Chempionlar ligasida ekanliklarini bilishadi va bu klubga ajoyib ta’sir ko‘rsatadi", dedi "Manchester Yunayted"ning sobiq futbolchisi.