Son Xyon Min “Tottenxem”ning Yevropa ligasidagi g‘alabasi haqidagi his-tuyg‘ulari bilan o‘rtoqlashdi.
"Manchester Yunayted"ni mag‘lub etgan (1:0) "shporlar" 2008 yildan buyon ilk sovrinini qo‘lga kiritdi.
"Aytaylik, men afsonaman, nega yo‘q! Lekin faqat bugun. 17 yil davomida hech kim buni qilmagan, lekin bugun men bu klubning afsonasiman deb aytaman, shuning uchun bayram qilaylik!
Mavsumni yaxlit olib qaraydigan bo‘lsangiz, qiyin bo‘lgan vaziyatlar bo‘ldi, lekin biz futbolchilar jarohatlarga qaramay birdam bo‘ldik, yosh futbolchilar o‘zini ko‘rsatdi.
Men bosimni his qildim, g‘alaba qozonishni juda xohlardim. Men bu haqda oxirgi haftada har kuni orzu qilardim va nihoyat amalga oshdi. Endi tinch uxlay olaman", - deydi yarim himoyachi.
