Сон Хён Мин “Тоттенхэм”нинг Европа лигасидаги ғалабаси ҳақидаги ҳис-туйғулари билан ўртоқлашди.
"Манчестер Юнайтед"ни мағлуб этган (1:0) "шпорлар" 2008 йилдан буён илк совринини қўлга киритди.
"Айтайлик, мен афсонаман, нега йўқ! Лекин фақат бугун. 17 йил давомида ҳеч ким буни қилмаган, лекин бугун мен бу клубнинг афсонасиман деб айтаман, шунинг учун байрам қилайлик!
Мавсумни яхлит олиб қарайдиган бўлсангиз, қийин бўлган вазиятлар бўлди, лекин биз футболчилар жароҳатларга қарамай бирдам бўлдик, ёш футболчилар ўзини кўрсатди.
Мен босимни ҳис қилдим, ғалаба қозонишни жуда хоҳлардим. Мен бу ҳақда охирги ҳафтада ҳар куни орзу қилардим ва ниҳоят амалга ошди. Энди тинч ухлай оламан", - дейди ярим ҳимоячи.
