Madridning "Real" klubi Rodrigoning transfer qiymatini belgilab oldi.
Braziliyalik futbolchi yangi bosh murabbiy Xabi Alonso qo‘l ostida asosiy tarkibdan doimiy joy olishi dargumon, shu bois "qirollik klubi" futbolchi bo‘yicha takliflarni ko‘rib chiqishga tayyor. Cadena SER ma’lumotiga ko‘ra, "Real" Rodrigo uchun taxminan 80 mln yevro so‘raydi. 24 yoshli futbolchiga asosiy da’vogar sifatida Londonning "Arsenal" klubi ko‘rilmoqda, mish-mishlarga ko‘ra, jamoa vakillari bilan allaqachon muzokaralar olib bormoqda.
Rodrigoning Transfermarkt bo‘yicha narxi 100 mln yevroga teng. Vingerning amaldagi shartnomasi 2028 yilgacha mo‘ljallangan.
