"Barselona" bosh murabbiyi Xans-Diter Flik klub bilan yangi shartnoma imzolaganidan keyin kelasi mavsumdan nima kutayotgani haqida gapirdi.
Murabbiy "ko‘k-anorranglilar" bilan 2027 yilning yozigacha mo‘ljallangan shartnoma tuzdi, bu haqda chorshanba kuni rasman e’lon qilindi.
"Keyingi mavsumda barchasini noldan boshlaymiz. Avvalgidek tirishqoqlik bilan ishlash va takomillashishda davom etish kerak. Biz aynan shunday qilamiz.
Kelasi mavsum ham xuddi shunday bo‘lishini istayman. Biz yanada yaxshiroq bo‘lishga harakat qilamiz va albatta sovrinlar yutishni istaymiz. Bu "Barselona" - bu yerda har doim chempionlikni qo‘lga kiritish kerak," - deya germaniyalik murabbiyning intervyusidan iqtibos keltiradi Barca Universal.
