"Барселона" бош мураббийи Ханс-Дитер Флик клуб билан янги шартнома имзолаганидан кейин келаси мавсумдан нима кутаётгани ҳақида гапирди.
Мураббий "кўк-анорранглилар" билан 2027 йилнинг ёзигача мўлжалланган шартнома тузди, бу ҳақда чоршанба куни расман эълон қилинди.
"Кейинги мавсумда барчасини нолдан бошлаймиз. Аввалгидек тиришқоқлик билан ишлаш ва такомиллашишда давом этиш керак. Биз айнан шундай қиламиз.
Келаси мавсум ҳам худди шундай бўлишини истайман. Биз янада яхшироқ бўлишга ҳаракат қиламиз ва албатта совринлар ютишни истаймиз. Бу "Барселона" - бу ерда ҳар доим чемпионликни қўлга киритиш керак," - дея германиялик мураббийнинг интервьюсидан иқтибос келтиради Barca Universal.
