"Manchester Siti" yarim himoyachisi Kevin de Bryuyne klubda o‘ynagan eng yaxshi markaziy himoyachini tanladi.
Belgiyalik mavsum yakunlangach ketadi - u "shaharliklar" safida o‘n yil o‘ynagan.
"Mening himoya markazidagi birinchi tanlovim - Jon Stounz. Universal himoyachi, to‘p bilan ham, to‘psiz ham yaxshi o‘ynaydi. Men uchun u favqulodda futbolchi. U trebl mavsumida uddalagan ishni himoyachilar qilganini hech qachon ko‘rmaganman. Qanday qilib markaziy himoyachi yarim himoyachi vazifasini shunchalik yaxshi bajara oladi? U butun mavsum davomida shunday qildi. Ha, unga jarohatlar xalaqit berdi, ammo u ajoyib iste’dodga ega," - deya de Bryuynening so‘zlarini keltiradi City Report.
